O SEPRONA investiga a 8 persoas por graves deficiencias no traslado de vacas ao matadoiro

Ecos da Comarca/Xeral

O SEPRONA da Garda Civil, no marco da Operación ‘LEITEIRA’, puxo ao dispor xudicial a 8 persoas con idades comprendidas entre os 28 e os 52 anos de idade, por delitos de malos tratos animais; paralelamente detéctandose numerosas irregularidades constitutivas de infracción administrativa, polas que se levantou acta denuncia.

Son os servizos veterinarios da Junta de Castilla y León os que requiren a presenza do SEPRONA no matadoiro da capital, o pasado mes de xaneiro, ao comprobar as pésimas condicións dun transporte de gando vacún destinado a sacrificio.

Os axentes verifican que, no camión de gando, permanecen catro vacas que non puideran descender debido ao seu deplorable estado, unha delas agonizando; unha inspección máis pormenorizada ás instalacións aflora animais extremadamente descarnados, moribundos e varias reses agrupadas con feridas en espiña dorsal e cadeira, exemplares de raza frisoa, procedentes de explotacións de produción leiteira en réxime intensivo.

Adicionalmente a esta comunicación, os colexiados facilitan outras probas que inclúen o uso de métodos de manexo prohibidos; o resultado das súas inspeccións rexistra casos de animais transportados sen compaixón, con fracturas abertas e partos distócicos, con fallos multiorgánicos e en estado de shock; en moitas ocasións a súa situación era irreversible á chegada ao matadoiro, polo que os facultativos decretaron o sacrificio de urxencia.

 PUBLICIDADE

Se queres obter máis información do evento preme na imaxe.

A investigación subsidiaria, levada a cabo polo SEPRONA, con claros indicios previos de malos tratos animais, constata sete casos documentados e acredita este tipo de condutas desde xaneiro de 2024, sendo frecuente o transporte de animais en estado agónico, caquéxicos, non aptos ou con mobilidade reducida, con traumatismos en orixe, en xestación avanzada ou patoloxías previas que deberían invalidar a viaxe de longa distancia.

Acredítase unha mala praxe xeneralizada tanto durante o transporte como nas operacións de carga e descarga do gando, contravindo de forma flagrante a normativa vixente sobre benestar animal, implicando con iso a empresarios, gandeiros, transportistas e tratantes, que antepoñen a transacción comercial, ao deber de coidado sobre os animais.

 PUBLICIDADE

Preme para obter máis información.

A investigación subliña que estas situacións non foron incidentes illados, senón a consecuencia directa dunha cadea de decisións neglixentes por parte dos oito implicados identificados en: A Coruña (2), Cantabria (1), Lugo (3), Bizkaia (1), Portugal (1). O uso de métodos de manexo prohibidos detectados, son o piar dunha investigación que busca dignificar o trato animal e esixir responsabilidades por un sufrimento que puido e debeu evitarse.

A presente operación foi levada a cabo polo Equipo de Protección á Natureza (SEPRONA) da Comandancia da Garda Civil de Burgos que instruíu dilixencias presentadas nos Xulgados de Burgos, en colaboración cos Servizos Veterinarios da área de Sanidade da Junta de Castilla y León en Burgos, onde adicionalmente foron remitidas as actas denuncia polas infraccións administrativas observadas.