O salón alimentario Salimat Abanca segue coa súa promoción en Zamora para participar en Fromago

Celebrará a súa vindeira edición do 3 ao 6 de xuño de 2027 en Silleda

Laura Moure/Silleda

O Salón de Alimentación do Atlántico, Salimat Abanca, celebra a súa vindeira edición do 3 ao 6 de xuño de 2027 en Silleda. Unha cita para a que está a realizar xa unha intensa promoción. Ademais doutras accións de comercialización, a feira encadea estes días varios eventos incluídos na súa campaña de difusión. Se o luns e martes estivo presente no Auténtica Premium Food de Sevilla, cun espazo no stand da Consellería do Mar da Xunta de Galicia, dende onte está na Fromago Cheese Experiencie 2026, feira internacional que acolle queixos de toda España e tamén doutros países ata o domingo en Zamora.

O equipo da Feira Internacional de Galicia ABANCA encabezado polo seu director, Ricardo Durán, continúa así unha intensa semana de promoción, na que agora visitarán

ás distintas empresas presentes na Fromago Cheese Experiencia 2026 e atenderán o

stand co que contan na feira.

 PUBLICIDADE

Preme na imaxe para obter máis información do evento.

30º aniversario e edición Xacobeo

Salimat Abanca celebra o ano que vén unha cita especial. Ademais de ser o seu trinta aniversario como punto de encontro do sector alimentario e gastronómico, será unha edición especial Xacobeo, na que creará interesantes sinerxías co Ano Santo e incluirá

propostas específicas relacionadas con esta celebración e o Camiño de Santiago.

 PUBLICIDADE

Preme na imaxe para obter máis información do evento.

Este Salón Alimentario do Atlántico chega a 2027 apoiado por unha ampla traxectoria e

tamén polas cifras da súa pasada edición, na que acadou récord de expositores directos,

ao reunir 297 empresas e entidades.

 PUBLICIDADE

Preme na imaxe para contactar connosco.

Ademais, nos seus Encontros Internacional de Compradores propiciou preto de 1.200 reunións de negocio nas que 130 empresas mostraron os seus produtos a 31 importadores e distribuidores alimentarios de quince países. Unha presenza expositiva e uns encontros B2B que converteron a este salón nun foro de referencia que, xunto coa 48ª Feira Internacional Abanca Semana Verde de Galicia, recibiu a 109.480 visitantes.