O rodeirense Rubén Varela recibe o accesit do premio Suárez Freire para Xóvenes Investigadores

Recibe esta distinción polo seu traballo como investigador no tratamento do queratocono

Ecos da Comarca/Rodeiro

A Real Academia de Farmacia de Galicia outorgoulle ao rodeirense Rubén Varela Fernández, veciño de Mourigás (Arnego), o Accesit do premio Suárez Freire para Xóvenes Investigadores polo seu traballo como investigador no tratamento do queratocono.

O queratocono prodúcese cando a córnea (a superficie frontal transparente e en forma de cúpula do ollo) faise máis fina e gradualmente sobresae en forma de cono. Unha córnea en forma de cono provoca visión borrosa e pode producir sensibilidade á luz e ao resplandor.

"Parabéns polo recoñecemento, pero sobre todo parabéns polo esforzo, polo traballo e polo sacrificio que conlevan todos os recoñecementos. A xente que te coñecemos sabemos da tua valía", sinala o alcalde do municipio, Rubén Quintá.