Ecos da Comarca/Touro
O PSdeG- PSOE de Touro organiza para hoxe, mércores 22 de xuño, un obradoiro de risoterapia en colaboración con Federación de Asociacións de Mulleres Rurais (FADEMUR). Será ás sete da tarde no local social da Asociación Veciñal O Batán, Santirso de Cornado. Os interesados deben inscribirse a través do teléfono 678 347 388.
"En tempos difíciles ou en calquera momento da nosa vida, a risa como terapia pode ser unha fonte de saúde excelente e aportar outra perspectiva vital. Os socialistas de Touro consideramos que esta actividade é unha maneira distendida e lúdica para coñecernos un pouco mellor e afrontar coa autoestima alta calquera reto. “A risa é o sol que afasta o inverno do rostro humano”".
