O proxecto Cruces en IguAldade remata cun obradoiro de corresponsabilidade e coeducación
A iniciativa foi impulsada pola ANPA do CEIP Plurilingüe Nosa Señora da Piedade
Ecos da Comarca/Vila de Cruces
O pasado xoves, 12 de novembro, celebrouse a última xornada do proxecto «Cruces en IguAldade», impulsado pola ANPA do CEIP Plurilingüe Nosa Señora da Piedade de Vila de Cruces. A iniciativa clausurouse cun un obradoiro de corresponsabilidade e coeducación para as familias.
Nesta ocasión foi a quenda das familias, que participaron nun obradoiro de corresponsabilidade e coeducación da man de Sororas S. Coop. Galega, un espazo para reflexionar sobre os estereotipos e roles de xénero e como estes inflúen na nosa vida cotiá, contribuíndo a manter as desigualdades entre mulleres e homes.
PUBLICIDADE
A través de dinámicas participativas, as familias puideron experimentar como romper cos roles tradicionais de xénero e compartir responsabilidades contribúe a construír unha sociedade máis xusta e igualitaria, na que todas as persoas teñan as mesmas oportunidades.
Para poñer o broche final á xornada, crianzas e persoas adultas compartiron un espazo de xogo, demostrando que construír a igualdade está nas nosas mans e é cousa de todas e todos.
PUBLICIDADE
Porque a igualdade tamén se aprende, se practica e se constrúe en familia. Este proxecto foi posible grazas liña de axuda da Dirección Xeral de Promoción de Iguladade, SI449B - Axudas dirixidas ás asociacións de nais e pais do alumnado de centros educativos de Galicia coa finalidade de potenciar a promoción da igualdade e a prevención da violencia de xénero. Operación cofinaciadas con fondos finalistas do Pacto de Estado contra a Violencia de Xénero.
Comentarios