O PPdeG destaca o incremento nas transferencias da Xunta para o SAF de Deza- Tabeirós-Montes

A ente autonómico pasará a destinar case 11,7 M€ nos próximos tres exercicios en vez dos pouco máis de 8 M€ coa anterior achega de 12 euros por hora

Ecos da Comarca/Deza

O PPdeG destaca o incremento de 3.428.675 euros nas transferencias da Xunta de Galicia aos oito concellos das bisbarras de Deza e Tabeirós-Terra de Montes para o Servizo de Axuda no Fogar (SAF) nos próximos tres anos, o que permitirá que os concellos de Lalín, A Estrada, Silleda, Vila de Cruces, Forcarei, Rodeiro, Agolada e Dozón poidan seguir mellorando esta prestación e implementando a súa sostibilidade económica.

A visita á Casa do Maior de Agolada.

Así o anunciaron os deputados Manuel Santos e Raúl Santamaría nunha dobre visita á zona, onde coñeceron o funcionamento das Casas do Maior de Rodeiro e Agolada –tamén impulsadas polo Goberno galego no eido social– xunto ás voceiras municipais, Cati Somoza e Carmen Seijas. Os parlamentarios deron conta das novas contías que se lles concederán aos oito concellos, sempre que o soliciten no prazo actualmente aberto, tras o anuncio por parte da Xunta de aumentar de forma progresiva o prezo por hora, pasando dos 12 euros en vigor ata o pasado 2025 a 16 euros no presente curso, 17 euros no vindeiro ano e 18 euros en 2028.

A visita á Casa do Maior Val do Camba de Rodeiro.

 PUBLICIDADE

Se queres obter máis información do evento preme na imaxe.

Deste xeito, Santos e Santamaría, que estiveron a departir cos maiores de Rodeiro e Agolada –incluso celebrando o aniversario dun usuario– e recolleron as súas inquedanzas e necesidades para seguir reforzando a política social da Xunta, explicaron que a Consellería de Política Social pasará a destinar 11,65 millóns de euros para o SAF dos oito concellos de Deza e Tabeirós-Montes nos próximos tres anos en vez dos pouco máis de 8 millóns que recibirían coa anterior achega de 12 euro por hora, o que supón un aumento do 41%. Iso si, lembraron que é imprescindible que as entidades locais soliciten a actualización destas contías no prazo dun mes actualmente en vigor, tendo en conta que o incremento do financiamento terá efectos retroactivas desde o pasado 1 de xaneiro.

 PUBLICIDADE

Preme para obter máis información.

“Está claro que somos o partido máis social e que máis se parece a Galicia, porque atendemos sempre as necesidades da xente máis vulnerable e da que precisa máis axuda da Xunta e por iso desde o PP emprendemos este enorme esforzo inversor para mellorar rotundamente o SAF, pero cremos que non hai ningunha medida que pague máis a pena”, manifestaron Manuel Santos e Raúl Santamaría, que destacaron especialmente a importancia desta medida nestas bisbarras de Deza e Tabeirós por tratarse das máis envellecidas da provincia e nas que se prestan anualmente 228.576 horas desta teleasistencia.

En canto ao financiamento da Xunta para o SAF para os oito concellos da zona queda fixado da seguinte maneira: