O PP esixe solucións no Congreso ante a falta de cobertura móbil e internet en Agolada e Rodeiro
- ecosdacomarca
- hace 1 día
- 2 min de lectura
Sinala que en Camba a cobertura de fibra apenas acada o 48,45% das vivendas, mentres que no municipio agoladés, a fibra óptica só chega actualmente ao 39,97%
Ecos da Comarca/Agolada/Rodeiro
Os deputados do Grupo Parlamentario Popular por Pontevedra, Irene Garrido, Pedro Puy e Juan Andrés Bayón, rexistraron unha pregunta no Congreso dos Deputados para esixir ao Goberno de España solucións inmediatas ante as graves deficiencias de cobertura móbil e internet que sofren os municipios de Agolada e Rodeiro.
Os populares instan ao Executivo central a intervir con urxencia tras comprobar que o plan estatal ÚNICO resultou "totalmente ineficaz nesta zona da comarca de Deza". Segundo denuncian os deputados, a falta de infraestruturas estables lastra a calidade de vida dos veciños e prexudica directamente o desenvolvemento socioeconómico local, freando a implantación de empresas nun territorio onde o sector primario é clave.
PUBLICIDADE
Os datos oficiais reflicten o atraso dixital que sofren ambos os dous concellos, xa que en Rodeiro a cobertura de fibra apenas acada o 48,45% das vivenda, mentres que en Agolada, a fibra óptica só chega actualmente ao 39,97% dos fogares.
PUBLICIDADE
A iniciativa parlamentaria do PP esixe que o Goberno central responda por escrito sen ten pensado actuar e que actuacións concretas vai realizar en Agolada e Rodeiro e se teñen previsto a implantación dun plan extraordinario para mellorar a cobertura móbil e de internet en ambos os dous termos municipais.
PUBLICIDADE
Os deputados por Pontevedra cualifican de "inadmisible que o Ministerio, como administración competente en telecomunicacións, manteña a estes veciños nunha situación de clara desvantaxe respecto a outros territorios do país, polo que
reclaman unha actuación institucional inmediata".
Comentarios