O PP de Vila de Cruces celebra o seu Encontro de Nadal con Luis López e Román Rodríguez

Ecos da Comarca/Vila de Cruces

O Partido Popular de Vila de Cruces celebrou o venres pasado no restaurante Don Din o seu tradicional Encontro de Nadal cos militantes coa participación do presidente provincial do PP de Pontevedra e da Deputación, Luis López, e do conselleiro de Educación e coordinador comarcal do PP no Deza, Román Rodríguez.

 Publicidade

Preme na imaxe para obter máis información.

Os populares cruceños, encabezados polo presidente local, Jesús Otero, aproveitaron para felicitarse as festas de Nadal e para comezar a engraxar a maquinaria do partido de cara á cita coas eleccións municipais de 2027.

Publicidade

Preme para contactar con nós e pregunta polas tarifas que son unha bicoca!

O presidente provincial deulle os parabéns a toda a agrupación polo "gran traballo e a unidade" malia as difíciles circunstancias actuais tras a perda da Alcaldía e amosou a súa confianza en que a fortaleza do equipo e do proxecto do PP de Vila de Cruces "son as mellores ferramentas, e as máis importantes, para tentar recuperar canto antes o goberno local".