O PP de Melide demanda que a subida de impostos do velorio municipal revirta no seu mantemento

Ecos da Comarca/Melide

O PP melidense faise eco das queixas veciñais sobre o estado do velorio municipal: "humidades, escorrentias de auga nas paredes, lámpadas fundidas...das que temos testemuñas, pero por respecto ás familias usuarias non vamos publicar", sinalan dende a formación azul melidense.

Dalia García.

A portavoz do PP local, Dalia García, insta “ao bipartito de AM-PSOE a que solucione inmediatamente estas carencias; nunca se atopou en tan mal estado unha instalación municipal básica coma a que estamos a falar. Consideramos inadmisible que isto suceda coa cooperación dun bipartito paralizado máis se recordamos que no primeiro ano de mandato se produciu unha suba de taxas do velorio municipal; que mínimo que as revertan na instalación para que esta non sufra o deterioro que está sufrindo”, demandan os populares.