O PP de Melide alerta "do grave deterioro das instalacións do campo de fútbol municipal"

Ecos da Comarca/Melide

O Partido Popular de Melide vén de denunciar publicamente "o estado de abandono e inseguridade que presentan as instalacións do campo de fútbol municipal, particularmente dos vestiarios e baños públicos, con enormes humidades e óxidos". "Entendemos que é inadmisible que os centos de deportistas que fan uso do campo de fútbol cada semana, a maior parte nenos e nenas de Melide, teñan que facelo nunhas condicións tan deficientes de seguridade e salubridade", recalca os populares.

Neste sentido, dende o Grupo Popular advirten que nos últimos meses "de que o mantemento dos edificios públicos é inexistente dende hai anos, tal e como se pode

comprobar no estado de total abondono no que se atopa tamén o edificio multiusos ou

as carencias coas que conta o pavillón polideportivo. Cando as infraestruturas non se manteñen e non se realizan as melloras ordinarias oportunas, as instalacións acaban no estado no que están hoxe Comezamos agora a ver as consecuencias de non facer absolutamente nada en 7 anos de goberno de Pérez”.

 Publicidade

Preme para obter máis información.

Sinalan que preguntaron por escrito ao Goberno local cales eran as actuacións de mantemento levadas a cabo nos últimos anos nos edificios e instalacións públicas, "toda vez que os veciños nos alertan de graves deficiencias en todos eles: os colexios públicos, o edificio multiusos, o pavillón polideportivo e agora tamén o campo de fútbol municipal.

Aínda non tivemos resposta a dita pregunta".

“Xa non esperamos nada novo deste goberno local, pero si que esiximos que cumpran co mínimo que teñen que facer: manter as instalacións públicas nunhas condicións dignas. Logo de pechar hai case 7 anos a piscina climatizada, que menos que ter outras instalacións deportivas nun estado presentable”, denuncian os populares.

 PUBLICIDADE

Preme na imaxe para contactar con nós!

Por últimos, recordan que o Partido Popular de Melide "segue a disposición da veciñanza, escoitando as súas reivindacións e seguiremos fiscalizando as labores deste tripartito que está completamente desconectado das necesidades que ten a veciñanza de Melide".