O PP de Cruces propón crear un Servizo Municipal de Apoio ao Emprendemento e ás Empresas

A iniciativa busca facilitar a creación de novos negocios e ofrecer asesoramento aos autónomos, comercios, empresas e actividades agrarias e artesanais do municipio.

Ecos da Comarca/Vila de Cruces

O Partido Popular de Vila de Cruces propon a creación dun Servizo Municipal de Apoio ao Emprendemento e ás Empresas, co obxectivo de impulsar a economía local e ofrecer un punto de atención próximo tanto a quen queira iniciar unha actividade como a quen xa ten un negocio en funcionamento.

Este servizo, explica, permitiría informar sobre subvencións e axudas públicas, orientar

na tramitación administrativa e no acceso ao financiamento, así como acompañar os emprendedores e apoiar a modernización, ampliación e consolidación das empresas existentes.

"Cómpre lembrar que Vila de Cruces se adheriu en 2018 á iniciativa Concellos Emprendedores da Xunta de Galicia, durante a etapa de goberno municipal do Partido Popular, asumindo compromisos para favorecer a actividade empresarial, simplificar trámites e facilitar a implantación de novas iniciativas económicas", salientan os populares.

 PUBLICIDADE

Preme na imaxe para obter máis información do evento.

Porén, apuntan, "oito anos despois, seguimos sen contar cun servizo municipal específico

de asesoramento e acompañamento empresarial. Consideramos que é o momento de dar un paso máis e traducir aquel compromiso en medidas concretas que respondan ás necesidades de emprendedores, autónomos, comerciantes, agricultores, artesáns e empresas do noso concello".

Ante todo isto, propón a posta en marcha deste servizo municipal, aproveitando prioritariamente os recursos existentes e promovendo a colaboración coa Xunta de Galicia, a Deputación de Pontevedra e outras entidades especializadas. "A súa organización, os medios necesarios e a modalidade de atención concretaranse tras avaliar os recursos dispoñibles, evitando duplicidades e gastos innecesarios".

 PUBLICIDADE

Preme na imaxe para obter máis información.

E engade que nun municipio rural como Vila de Cruces, "facilitar a actividade económica é

fundamental para favorecer o emprego, manter vivos os negocios e xerar oportunidades que contribúan a fixar poboación. Queremos un Concello que non se limite a facilitar trámites, senón que acompañe a quen emprende, apoie a quen xa está traballando e contribúa activamente ao desenvolvemento económico de Vila de Cruces".