O PP de Cruces demanda que se leve a cabo o mantemento da ponte de Remesquide
Sinala que lle trasladaron as queixas os veciños do lugar
Ecos da Comarca/Vila de Cruces
O Grupo Municipal do Partido Popular de Vila de Cruces quere facer públicas "as queixas que nos trasladan os veciños e veciñas da parroquia de San Tomé de Obra respecto ó mal estado no que se atopa a Ponte de Remesquide e os seus arredores, debido á súa falta de mantemento e abandono por parte do actual goberno local".
Sinala que "somos conscientes de que o goberno vai seguir facendo caso omiso das nosas
peticións (xa que é a terceira vez que abordamos este asunto), pero esperamos e desexamos que si atenda e acepte as propostas dos seus veciños, procedendo na maior brevidade, a realizar o mantemento desta ponte, así como á limpeza da área recreativa e á reparación do valado de madeira para que a paisaxe luz atractiva".
Desde o Partido Popular, recalcan, "seguiremos loitando para protexer este fermoso espazo natural, fomentando novas posibilidades de carácter ambiental e turístico".
Comentarios