O PP de Agolada esíxelle a Calvo que presente unha mellora da Rúa Xeral ao Plan Extra da Deputación

Lembra que esta é unha vella reivindicación da veciñanza e que xa presentou fai meses en pleno unha moción para que o goberno tivera preparado o proxecto

Ecos da Comarca/Agolada

O Partido Popular de Agolada ven de esixirlle ao alcalde, Luís Calvo, que aproveite o “Plan Extra” da Deputación de Pontevedra "para dunha vez por todas facer unha obra que a veciñanza leva anos reivindicando, o acondicionamento da Rúa Xeral". Os populares dinlle ao mandatario agoladense que xa fai uns meses foi levada a pleno unha moción onde se pedía que se fixese xa o proxecto e se solicitaran os permisos necesarios para facer unha obra "que é imprescindible para mellorar a calidade de vida dos veciños e tamén a

faciana de Agolada".

“Trátase da vía que atravesa a vila e da noxo vela, esta sumida no abandono e cremos que o pobo tamén ten que amosar unha boa imaxe a quen nos visite ou simplemente vaia de paso, aparte debese mellorar a accesibilidade, a iluminación e mesmo as beirarrúas deben de cambiarse xa que tal e como están poden ata crear accidentes aos viandantes”.

Publicidade

Preme na imaxe para obter máis información do evento.

A voceira dos populares Carmen Seijas, deixa claro que para o seu equipo, esta obra "é

absolutamente prioritaria, e que levan anos reivindicando que se faga". Seijas indica que este é un momento inmellorable xa que a Deputación pon a disposición dos concellos un Plan que achegaría fondos suficientes para atender unha necesidade co cal non se debe de perder a oportunidade, "e mais cando o Concello non podería acometer esta obra tendo en conta o estado de quebra no cal o ten Luís Calvo". “Non tería nin que coofinanciar xa que pode facer como na Rúa Vazquez Pintor e empregar o “Plan + Provincia” para poñer a parte que lle correspondería ao Concello e unha vez máis a Deputación sacaríalle as castañas do lume a un alcalde que ten o Concello afundido”.

Seijas advirte que "non lle valerán ao mandatario e os seus novos “amigos” visto o último pleno do BNG, dicirlle aos veciños que esta rúa non é competencia municipal". "Que non lle mintan a xente, o Estado ten competencia sobre o firme da N-640, pero é o concello quen ten que arranxar as beirarrúas e as cuestións que atinxen a mobiliario urbano, iluminación, etc…, e senón é certo o que dicimos que esixan ao Goberno de Madrid o arranxo, pero eles saben que temos a razón e solo se trata de prioridades políticas, e de traballo, xa que é unha obra que precisa planificación”, afirma a voceira popular.

Publicidade

Preme na imaxe se quere contactar connosco.

Os populares adiantan que no futuro porán de manifesto "a improvisación do alcalde nestas obras e a perda importante que está a ter Agolada por ter un Goberno inoperante".