O Partido Popular de Melide denuncia "a suba desmesurada do IBI"

Ecos da Comarca/Melide

O Partido Popular de Melide quere amosar novamente o seu rexeitamente á suba do Imposto de Bens e Inmobles, comunmente coñecido como “contribución”, que se está facendo efectiva nos últimos días en Melide. "Cómpre recordar que esta suba foi aprobada polo tripartito local nos pasados meses, unha suba do 18% e que implica unha presión importante para os particulares pero especialmente para os negocios", sinalan os populares.

Así mesmo, apuntan que "preguntámonos en que repercute postivamente aos melidendes este incremento dos impostos e este aumento da recaudación. O goberno de Pérez tenos acostumados a subir impostos e taxas municipais, pero os investimentos non aparecen por ningures e a imaxe do mantemento de Melide é lamentable. Por exemplo, resulta inaceptable que se asfixie aos veciños e veciñas de Melide, obrigados a pagar un 18% máis de IBI este ano, mentres os servizos que ofrece o Concello son cada máis deficientes, as rúas son intransitables en moitos puntos, apenas temos Policía Local, os parques infantís presentan grandes carencias e as pistas do rural son directamente impresentables".

 PUBLICIDADE

Preme na imaxe para obter máis información do evento.

Dende o PP de Melide apuntase que a xestión económica e dos recursos que fai este goberno "é difícil de comprender". “É moi dificil explicar como é posible que se suban os impostos continua e masivamente, pero ao mesmo tempo o mantemento da vila é nulo, ninguén se acorde do rural, ou mesmo que aínda tendo máis recaudación decidan desviar 900.000 euros do aforro municipal para pagar gastos correntes”, sinalan.

PUBLICIDADE

Preme na imaxe se queres contactar connosco.

O grupo popular seguirá fiscalizando "este despropósito económico e traballando para evitar que os comercios sigan pechando e a cidadanía teña que pagar cada día máis por ter peores servicios. Xa está ben de malgastar os recursos de todos".