O parabrisas limpo custe o custe

Ecos da Comarca/Xeral

Lembrades aquelas longas viaxes por estrada de hai vinte ou vinte e cinco anos. Se facedes memoria seguro que vos vén á cabeza a imaxe do parabrisas do coche ao chegar ao voso destino despois de varias horas de camiño. Era unha auténtica loucura e algo que hoxe parece case dunha película de ficción. Daba igual que foses de Galicia cara ao sur ou que cruzases calquera punto da meseta durante os meses de verán. O frontal do coche acababa completamente cuberto de insectos e mosquitos que quedaban pegados con tal forza que parecía unha tarefa imposible quitalos de alí.

Había que botar man de moita auga moitos produtos específicos e sobre todo de moita paciencia para poder ver algo a través do cristal de novo e deixar o coche minimamente decente. Era algo case ritual en cada parada que faciamos nas gasolineiras de camiño.

 PUBLICIDADE

Preme na imaxe para obter máis información deste evento.

Hoxe en día porén se facedes exactamente o mesmo percorrido a situación cambiou de forma radical e asustada. Podes conducir durante centos de quilómetros pola mesma autovía e ao baixar do coche o cristal está case impecable coma se non saíras do garaxe. A cantidade de insectos minguou de xeito moi significativo nestas últimas décadas e hoxe en día é difícil ver esa acumulación que antes era a norma. É o que moitos expertos chaman o efecto do parabrisas limpo e aínda que para moitos condutores isto poida parecer unha vantaxe ou unha comodidade a realidade detrás deste fenómeno é bastante preocupante para o noso futuro.

PUBLICIDADE

Preme na imaxe para obter máis información do evento.

Por unha banda haberá moitos que estean contentos por traer o coche máis limpo e por non ter que pasar o traballo de fregar a carrozaría despois de cada escapada de fin de semana. Pero por outro lado estamos os que pensamos que neste último cuarto de século algo moi profundo e perigoso está a mudar no noso planeta. Sinto moito dicirvos que traer o coche limpo tras unha viaxe longa non é unha vitoria da limpeza nin unha boa noticia que celebrar con xabón. É un síntoma claro de que a nosa biodiversidade está a sufrir un golpe devastador que moitas veces pasa desapercibido porque nos centramos na nosa propia comodidade.

 PUBLICIDADE

Preme na imaxe para obter máis información do evento.

Igual deberiamos pararnos a pensar un pouco máis nisto e non deixarnos levar pola simple estética de ter un coche brillante. Esas nubes de insectos que antes nos rodeaban eran un sinal de vida e un motor fundamental para o funcionamento de todos os nosos ecosistemas e da nosa agricultura.

PUBLICIDADE

Preme na imaxe para obter máis información.

Hoxe son eses pequenos seres os que están a desaparecer a unha velocidade que asusta pero debemos ser conscientes de que mañá poderiamos ser nós os que esteamos en serio perigo se o equilibrio se rompe de todo. O mundo está a avisarnos a través de pequenos detalles coma este e non deberiamos ignoralo por máis tempo.