top of page

O mosteiro de Carboeiro superou as 15.000 visitas ao longo do ano 2023

Foto del escritor: Laura MoureLaura Moure

Segue a aplicar o horario de inverno, con apertura de mércores a domingo


Laura Moure/Silleda

O mosteiro románico de San Lourenzo de Carboeiro de Silleda rexistrou ao longo de todo o ano 2023 un total de 15.138 visitas, confirmándose como un dos monumentos e entornos máis visitados da comarca e do interior de Galicia.

No cómputo mensual cómpre destacar que os meses de xullo, agosto e setembro foron os máis concorridos, como vén sendo habitual. Así, en xuño accederon ao mosteiro 1.992 persoas; en xullo foron 2.173 e un total de 3.042 durante o mes de agosto.


Abril, maio e setembro, foron tamén meses destacados superando nos tres casos o millar de visitantes (con 1.522, 1.156 e 1.262 entradas, respectivamente). En xaneiro entraron a Carboeiro 480 persoas, en febrero 717 (cifra elevada respecto a anos anteriores), e en marzo 676.

Publicidade

Preme na imaxe para obter máis información!

No último trimestre, as cifras tamén deixaron balances mellores que en anos anteriores, con 993 entradas en outubro; 618 en novembro e 507 no pasado mes de decembro.


Publicidade

Preme na imaxe para obter máis información.

Carboeiro, unha das xoias do románico oxival galego, e tamén o seu entorno, ao pé do río Deza, é visitado cada ano por milleiros de persoas de distintas nacionalidades. Este espazo histórico e cultural é xunto coa Fervenza do Toxa, co que comparte o sendeiro do Deza, o gran referente turístico do municipio.


Horario de inverno

O horario actual de Carboeiro é de mércores a domingo de 11:00 a 14:30 horas e de 15:30 a 18:00 horas. Este horario de apertura, condicionada tamén polas horas de luz natural manterase ata o cambio horario de primavera.


Publicidade

Preme na imaxe se quere contactar connosco.

Nesta semana estará pechado tamén ao público na xornada do venres día 5, víspera do Día de Reis.


En Carboeiro sitúase tamén o Punto de Información Turística do municipio, incluido na Rede Info Rías Baixas da Deputación de Pontevedra.

0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png

© 2025 por Ecos da Comarca.

¡Grazas por contactar connosco!

  • Facebook
  • Instagram
  • TikTok
  • X
  • Youtube
bottom of page