top of page

O GTR arrasa nas probas celebradas en Galicia e colleita grandes resultados no Trail Series

Laura Moure/Lalín

O club lalinense GTR trasladouse ata Portosín para participar na terceira e última proba do

Trail Series que organiza o Arousa NeO. O grupo de galaicos acadaron uns grandes resultados e participaron na distancia de 21 k e +900 e tamén na curta de 16k e +640.

Por unha banda, na distancia longa desta proba, Alberto Villamor acadou o ouro na categoríavmasculina e Alina Cimepan na categoría feminina. Nesta última, Fátima Nogueira conseguiu a prata e con este grande resultado acadou o primeiro posto do Circuíto Arousa NeO.


Dende o Club felicitan a esta deportista por este espectacular resultado. Nesta mesma proba tamén participaron Patricia Montoto e Daniel Santalla, quen chegou a 12ª posición.


En canto á distancia curta, Tania Jordedo fíxose co bronce da súa categoría e logrou o ouro tamén da categoría no circuíto curto.

Por outra banda, tamén houbo representación no Trail Caolin-Fuciño do Porco (O Vicedo) onde Fran D T se subiu ao podio no segundo chanzo da categoría máster 50.


Finalmente, houbo representación na Extrema Manzaneda, unha proba de 17,5 k e +900, na que o deportista Gustavo González obtivo un merecido cuarto posto na carreira.

0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page