Ecos da Comarca/Silleda
A vila da Bandeira comeza cos festexos do Entroido mañá, venres, a partir das 20:00 horas. E faino coa tradicional vellada. A festa estará amenizada por unha charanga e por un grupo de foliada que animarán á veciñanza que acudirá disfrazada de "vellos e vellas" polos distintos establecementos do pobo. Ademais, o pincho dos bares seguirá a temática da festa, filloas e chourizo, para evitar botar de menos o tractor filloeiro que recorría as rúas en anos anteriores.
"A vellada será a antesala ao día grande da Bandeira, o sábado, día completo para os festeiros. Cabezudos, alto dos xenerais, desfile e...festa rachada!", indica a organización, a Asociación Xenerais do Entroido da Bandeira.
A celebración desta data continuará este sábado.
O CARTEL COMPLETO DE AMBAS XORNADAS:
Comments