O encoro de Portodemouros, en Brocos, está en nivel vermello pola presenza de cianobacterias
- Laura Moure
- hace 10 minutos
- 1 min de lectura
Dende principios de xullo estaba en nivel amarelo, polo que está prohibido o baño e as actividades acuáticas
Laura Moure/Agolada
O pasado 7 de xullo xa publicamos en ECOS DA COMARCA que estaba prohibido o baño na área recreativa de Brocos, en Agolada, debido ao nivel de alerta amarelo pola presenza de cianobactarias. E este venres, o Concello de Agolada, informou que o nivel ascendeu a vermello (nivel 3). Esta é a máxima categoría de risco sanitario e implica tamén a prohibición das actividades acuáticas na zona.
PUBLICIDADE
Segundo o protocolo establecido polas autoridades sanitarias, este nivel de alerta actívase cando existe unha alta probabilidade de que a proliferación destas bacterias poida provocar efectos adversos para a saúde. O contacto coa auga contaminada pode ocasionar irritacións na pel, problemas gastrointestinais e outros trastornos, polo que se recomenda evitar calquera contacto coa auga ata novo aviso.
PUBLICIDADE
Preme na imaxe para obter máis información do evento.
Desde as administracións insístese na importancia de respectar a sinalización instalada na contorna e seguir as recomendacións sanitarias para garantir a seguridade das persoas usuarias deste espazo durante o período estival.
PUBLICIDADE
NOTICIA RELACIONADA:
Prohibido o baño na área recreativa de Brocos, en Agolada, por presenza de cianobacterias: https://www.ecosdacomarca.com/post/prohibido-o-ba%C3%B1o-na-%C3%A1rea-recreativa-de-brocos-en-agolada-por-presenza-de-cianobacterias
