O Desafío Serra do Candán disputarase o 6 de xuño cunha participación limitada a 600 prazas

Estreará o Gran Premio de Clubs C.C. Pontiñas e Ocio Gadis con 400 € de premio en metálico para o Trail Longo

Ecos da Comarca/Lalín

A concelleira de Deportes, Noelia Seijas, xunto a directivos, técnicos e deportistas do GTR-Galaico Trail Run, presentaron onte unha nova edición do Desafío Serra do Candán. Así o vindeiro sábado 6 de xuño, Vilatuxe converterase no epicentro do trail galego coa celebración dunha proba que aposta pola excelencia técnica e un compromiso ético co medio ambiente, que a posiciona como unha das máis prestixiosas da comunidade.

Aspectos destacados:

• Sostibilidade: participación limitada a 600 prazas para garantir o respecto á Serra do Candán (521 xa están confirmadas).

• Novidade: o trazado incluirá o paso pola aldea de Portomartín.

• Competitividade: estrea do Gran Premio de Clubs C.C. Pontiñas e Ocio Gadis con 400 € de premio en metálico para o Trail Longo.

 PUBLICIDADE

Se queres obter máis información do evento preme na imaxe.

Modalidades e horarios (saídas desde Pozo do Boi):

 08:00 h: Trail Longo (33,4 km | 2.300 m+)

 09:00 h: Trail Medio (20,4 km | 1.297 m+)

 10:00 h: Trail Curto (14 km | 737 m+)

 10:05 h: Andaina (13,3 km)

 16:00 h: PequeTrail (Categorías Esquíos, Corzos e Xabaríns)

"Con figuras confirmadas como Xandro Otero ou Mari Pombo, o espectáculo deportivo está garantido en Zobra e Vilatuxe", sinala a organización.

 PUBLICIDADE

Preme para obter máis información.

Máis información no enlace: https://trailvilatuxe.ccnorte.com/