O cruceño Emilio Montilla queda subcampión de España M55

Ecos da Comarca/Vila de Cruces

O Biosbardo Clubdeportivo estivo a pasada fin de semana no Campionato de España de Trail, que se desputou na localidade pontevedresa de Caldas de Reis e logrou dúas medallas! A maiores, na propia proba, o Trail Laxe dos Bolos tivo lugar unha carreira puntuable para o ranking galego, nos 20 quilómetros.

 Publicidade

Preme para obter máis información.

"Estivemos en Caldas de Reis, no Trail Laxe dos Bolos que na súa distancia longa celebraba o Campionato de España de Trailrunning individual. Foron 43 quilómetros duros, con máis de 2.400 metros de desnivel positivo donde os nosos deportistas estiveron unha vez máis dando o máximo", recalca o club,

CHARO FIGUEROA – Campioa de España F40

Unha carreira dura, na que a nosa deportista, afincada en Bueu foi a máis, cada vez a máis, meténdose no top15 do campionato feminino e proclamándose campioa de españa da súa categoría.

Emilio Montilla.

EMILIO MONTILLA – Subcampión de España M55

Loitador coma sempre, ao cruceño tocoulle sufrir, problemas físicos o lastraron perdendo postos e sufrindo para chegar a meta. "Un subcampionato de España moi merecido", salienta.

 PUBLICIDADE

Preme na imaxe para contactar con nós!

TRAIL LAXE DOS BOLOS – OUTROS RESULTADOS

4 metais na proba de 20km puntuable para o Ranking Galego da FGA e a selección galega.

María Frey Campioa Absoluta nos 20k. "Tras gañar a semana pasada con autoridade en Ames, esta fin de semana chegou a Caldas enchufada e non deu chance. ¡¡Parou o crono

por debaixo das 2 horas!! E levouse tamén o premio especial no tramo cronometrado.

A súa compañeira, a burelá Carla Trillo acompañaría a María no 3º caixón do podio sendo a súa primeira competición despois da súa lesión en febreiro".

Sergio García quedou Subcampión Absoluto 20k, protagonizando unha carreira loitada que se lle escaparía por pouco nos últimos quilómetros de descenso.