O Concello de Vila de Cruces presenta a súa programación deportiva 2026/2027
Inclúe clases de pilates, acondicionamento físico, zumba, adestramento de forza para persoas maiores e patinaxe artística
Ecos da Comarca/Vila de Cruces
O Concello de Vila de Cruces vén de presentar a programación deportiva para o curso 2026/2027, que se desenvolverá no Pavillón e no Ximnasio Municipal. Este ano a oferta
deportiva inclúe clases de pilates, acondicionamento físico, zumba, adestramento de
forza para persoas maiores e patinaxe artística.
“Queremos seguir ofrecendo actividades variadas e adaptadas ás diferentes idades.
O pasado ano puxemos en marcha o adestramento de forza para persoas maiores e
tivo moi boa acollida, polo que este curso decidimos darlle continuidade. É unha
actividade moi beneficiosa para manterse activos, traballar a forza e favorecer a
autonomía”, sinala a concelleira de Deportes, Noemi Lois.
PUBLICIDADE
As actividades de patinaxe artística e pilates continúan sendo as máis consolidadas
da programación municipal, cun total de cinco grupos activos de patinaxe
(perfeccionamento 1 e 2, iniciación 1 e 2 e para adultos) e catro para a práctica de
pilates. As clases darán comezo o 1 de outubro.
PUBLICIDADE
O prazo de inscrición abrirase este xoves, 17 de setembro, ás 16:00 horas, e
finalizará tras esgotar as prazas dispoñibles para cada actividade. As solicitudes
deberán formalizarse de xeito presencial no Ximnasio Municipal, no seu horario de
luns a xoves de 10:00 a 13:00 horas e de 17:00 a 22:00 horas e o venres de 10:00 a
13:00 horas e de 16:00 a 21:00 horas).
Comentarios