top of page

O Concello de Silleda xa conta con toda a flota renovada para o servizo de recollida de lixo

Laura Moure/Silleda

A flota de vehículos de Silleda Sostible, vén de incorporar dous novos camións para implementar os servizos que se prestan no municipio. Trátase de dous camións para a recollida de RSU (residuos sólidos urbanos) para a retirada e traslado dos residuos depositados nos colectores verdes, amarelos e marróns. Estes últimos de momento só están nos cascos urbanos.


Publicidade

O de carga lateral empregarase nos cascos urbanos de Silleda e Bandeira e o outro vehículo de carga traseira, no rural. Ambos camións son de marca Volvo e as súas características técnicas fanos adecuados para o uso e traballo diario.


Publicidade

Deste xeito, coa adquisición destes camións mellóranse os servizos que se proporcionan a través de Silleda Sostible, facilitando tamén a reciclaxe dos residuos que se xeran.


Publicidade

A alcaldesa, Paula Fernández; a tenente de alcaldesa, Mónica González; e o concelleiro Manuel Requeijo acudiron este venres xunto cos representantes da UTE Silleda Sostible á presentación deste novo equipamento.


0 comentarios

Comentarios


IRS.gif
Copia de ¡TU Anuncio!.gif
Ecos_da_Comarca_neg.png
bottom of page