O Concello de Silleda alerta de roubos no casco urbano que siguen o modus operandi doutros casos

Ecos da Comarca/Silleda

O Concello de Silleda fai un chamamento á prevención logo de detectarse roubos no municipio que seguen o mesmo patrón que outros casos rexistrados nas últimas semanas en varios municipios da contorna. Así, na tarde de onte sábado, arredor das 19:00 horas, rexitráronse roubos en dúas vivendas dun mesmo edificio situado no casco urbano da localidade. En ámbolos dous casos notificouse a subtracción de xoias e diñeiro en efectivo.

Os feitos están a ser investigados pola Policía Local e pola Garda Civil do Posto de Silleda, contando ademais co apoio do equipo ROCA deste último corpo. Na actualidade estase a traballar no esclarecemento dos feitos e na identificación das persoas autoras destes actos. Así mesmo, dende o Concello comunícase que xa se incrementou a presenza policial e a vixilancia no casco urbano, co obxectivo de reforzar a seguridade da veciñanza.

 Publicidade/DOAZÓN PARA ECOS DA COMARCA

Medidas de prevención

Dende o Concello de Silleda quérese lanzar unha mensaxe de tranquilidade, se ben se apela á prevención e á colaboración cidadá. Neste senso, lémbrase á veciñanza a importancia de reforzar medidas básicas de seguridade, como pechar sempre con chave a porta da vivenda, incluso cando se vai estar fóra por un curto espazo de tempo ou mesmo cando se permanece no interior do domicilio.

 Publicidade

Preme na imaxe para obter máis información.

Dende o Concello e as forzas de seguridade agradécese a colaboración cidadá e lémbrase a importancia de comunicar calquera información que poida resultar de interese para a investigación.

Publicidade

Preme para contactar con nós e pregunta polas tarifas que son unha bicoca!

Os feitos acontecidos na tarde do sábado parecen seguir o mesmo “modus operandi” que outros roubos rexistrados nas últimas semanas en localidades como Teo, Vedra, A Estrada ou Boqueixón.