O Concello de Silleda abre a contratación urxente de auxiliares do Servizo de Axuda no Fogar

Ecos da Comarca/Silleda

O Concello de Silleda vén de abrir un procedemento excepcional de contratación laboral temporal para cubrir dúas baixas por incapacidade laboral transitoria (ILT) no Servizo de Axuda no Fogar (SAF), ante a imposibilidade de facelo a través das bolsas municipais

actualmente vixentes. Esta contratación ten carácter urxente, temporal e excepcional, e está dirixida a persoas que conten con formación relacionada coa atención sociosanitaria,

como Técnico/a en Coidados Auxiliares de Enfermaría, Técnico/a en Atención Sociosanitaria ou certificados de profesionalidade ou habilitacións recoñecidas para o exercicio profesional como auxiliar de axuda no fogar.

 Publicidade/DOAZÓN PARA ECOS DA COMARCA

Así mesmo, e tamén con carácter excepcional, poderán presentarse persoas que non dispoñan inicialmente da formación requirida, sempre que acrediten experiencia laboral suficiente no sector e presenten un compromiso formal de realizar a formación esixida durante a vixencia do contrato.

 Publicidade

Preme na imaxe para obter máis información.

As prazas cubriranse por orde de entrada das solicitudes no Rexistro Xeral do Concello, sempre que se cumpran os requisitos mínimos establecidos. O prazo para presentar solicitudes é de cinco días naturais desde a publicación do anuncio que se realizará hoxe, martes día 13.

Publicidade

Preme para contactar con nós e pregunta polas tarifas que son unha bicoca!

Desde o Concello sublíñase a importancia de garantir a continuidade dun servizo esencial como é o SAF, fundamental para a atención das persoas maiores e dependentes do municipio. Toda a información detallada pode consultarse no taboleiro de anuncios do

Concello e na web municipal.