O Concello de Rodeiro organiza unha andaina para o martes, 16 de setembro

Será unha ruta guiada polo tramo Bardelás–Mesón de Auga Levada, pertencente á Ruta do Camiño Real – A Pallota

Ecos da Comarca/Rodeiro

O Concello de Rodeiro organiza unha andaina guiada polo tramo Bardelás– Mesón de Auga Levada, pertencente á Ruta do Camiño Real – A Pallota. A actividade ten como finalidade dar a coñecer esta ruta histórica e natural entre a comunidade local, así como pór en valor o traballo desenvolvido polo alumnado-traballador do Obradoiro dual de emprego “Terras de Camba I”, na súa especialidade forestal.

Durante a mesma, as persoas participantes terán a oportunidade de coñecer tanto o labor feito polo obradoiro como o patrimonio histórico, cultural e natural do Camiño Real.

• Tramo andaina: Bardelás- Mesón de Auga Levada (Rodeiro)

• Duración: 2, 3 Km (45- 50 min)

• Data e hora: martes, 16 de setembro as 10:30 horas

Publicidade

Preme na imaxe se queres contactar connosco.

O obradoiro dual Terras de Camba I promovido polos Concellos de Rodeiro, Agolada e Dozón botou a andar o 20 de decembro de 2024 e finaliza o vindeiro 19 de setembro. Durante estes 9 meses, o alumnado- traballador das especialidades de forestal (10) e albanelería (10) estivo a levar a cabo diferentes obras nos 3 concellos.