O prazo para anotarse remata o día 7 dese mes
Laura Moure/Silleda
O vindeiro xoves día 9 de febreiro, volta, despois de varios anos, a Festa de Namorar ao Centro Social dos Maiores da Bandeira (Silleda). A celebración terá lugar a partir das 18:00 horas con pinchos e chocolatada para as persoas asistentes, e animación musical en directo a cargo de Suso de Melide. O prezo é de 6 euros por persoa.
Para anotarse, as persoas interesadas poden achegarse ata o propio Centro Social dos Maiores da Bandeira, ou ao de Silleda, ou ben chamar ao 986 592 037. O prazo remata o 7 de febreiro.
A Festa de Namorar é un dos clásicos da programación do departamento de Benestar para os maiores do municipio, que volta agora despois da pandemia.
