O BNG reclama unha "xestión responsable dos residuos por parte do Concello de Lalín"

Fernández denuncia "a permanencia de residuos contaminantes potencialmente tóxicos en dependencias públicas do Consello de Lalín, sen que cumpran coa normativa vixente"

Ecos da Comarca/Lalín

Os nacionalistas amosan a súa preocupación "por uns bidóns de residuos localizados en dependencias municipais de Lalín sen que se cumpran as medidas de protección e

xestión adecuadas, co risco que iso implica". Ditos bidóns, apunta o BNG, "atópanse detrás das naves que usa protección civil, resgardados baixo o que semella unha vella marquesiña e sobre unha cama de area que pretende evitar posibles efectos derivados do seu vertido, nada que ver co que a normativa require nestes casos e con pouca posibilidade de éxito a xulgar pola cantidade de líquido que albergan".

A Lei 7/2022 do 8 de abril de residuos e solos contaminados para unha economía

circular, indica claramente no seu artigo 20, e tal e como salienta o Bloque, "as obrigas que o produtor inicial ou outros posuidores teñen no relativo á xestión de residuos, marcando unha serie de obrigas ao respecto do seu tratamento. Neste caso, os residuos, que se sitúan nunha área accesible a calquera persoa que se achegue, nunha zona visible e sen protección aparente, á intemperie co efecto que poden ocasionar ás choivas, cun claro risco de escorregamento, sen que ninguén se encargue do seu tratamento responsable".

 Publicidade

Preme na imaxe para obter máis información.

O BNG solicítalle ao goberno a resolución urxente deste posible incumprimento por parte das autoridades competentes, que protexan tanto os solos coma a auga da contaminación, cunha actuación que se encadre no marco da legalidade, protexendo aos

veciños e veciñas e mellorando a imaxe que o concello con este tipo de actitude.

Publicidade

Preme para contactar con nós e pregunta polas tarifas que son unha bicoca!

“Non se lle pode pedir á veciñanza que xestione os seus residuos conforme á normativa mentres o goberno ten este tipo de acumulación nas súas parcelas, é unha irresponsabilidade para os e as lalinenses e para o medio ambiente que agardamos que se resolva de inmediato coa maior dilixencia posible por parte dos responsables”, sinala Ariadna Fernández.