O BNG levará ao pleno municipal que Agolada segue sen decreto das parcelarias

Ecos da Comarca/Agolada

O Bloque Nacionalista Galego de Agolada lembra á Xunta de Galicia que as concentracións parcelarias foron anunciadas pola conselleira de Medio Rural como inminentes no magosto celebrado polo Partido Popular en Agolada, pero que dende entón "pasou o Nadal, estamos xa na época dos cocidos e ás portas do Entroido, e o decreto segue sen publicarse no DOG.

“Non imos repetir valoracións nin debates xa feitos. O que constatamos é un feito obxectivo: o tempo pasa e o compromiso anunciado non se materializa”, sinala a

portavoz municipal do BNG en Agolada, Susana Tato Pampín.

 Publicidade/DOAZÓN PARA ECOS DA COMARCA

Ante esta situación, o BNG rexistrou unha moción para o seu debate no vindeiro pleno municipal, co obxectivo de que a corporación de Agolada se posicione formalmente e inste á Xunta de Galicia a cumprir dunha vez co anunciado.

 Publicidade

Preme na imaxe para obter máis información.

Recalca que as parcelarias de Agolada acumulan máis de 20 anos de espera, con investimentos públicos xa realizados e procesos paralizados durante anos, polo que a veciñanza precisa claridade, prazos e feitos contrastables, acordes coa importancia dun proceso que afecta a milleiros de parcelas e ao futuro do rural do concello.

Publicidade

Preme para contactar con nós e pregunta polas tarifas que son unha bicoca!

"Do magosto ao cocido pasaron os meses, pero o decreto segue sen aparecer", subliña. Por iso, o BNG considera que "xa vai sendo hora de pasar dos anuncios aos feitos" e esixe que a Xunta publique o decreto e dea explicacións claras, unha demanda que agora se leva tamén ao pleno municipal para que quede constancia institucional.