O BNG denuncia "o infrafinanciamento da Xunta aos Puntos de Atención á Infancia no rural"

Ecos da Comarca/Lalín

O BNG do Deza, Tabeirós e Terra de Montes denuncia "o trato discriminatorio que a Xunta de Galiza mantén cos Puntos de Atención á Infancia (PAI) dos pequenos concellos rurais tal e como reflicten os datos oficiais de financiamento do curso 2024-2025 publicados pola propia Consellería".

A formación nacionalista alerta de que os concellos que sosteñen servizos públicos de conciliación están soportando un sobrecusto “inasumible” mentres o Goberno galego “vende unha falsa gratuidade da educación infantil de 0 a 3 anos”. Segundo denuncia o

BNG, nos casos dos concellos que non dispoñen de Galiñas Azuis e prestan o servizo mediante PAIs, a Xunta non chega nin a financiar o 50 % do custo real do servizo, que

recae sobre os orzamentos municipais, xa de por si minguados por competencias

impropias que exercen e sufragan.

Os nacionalistas poñen como exemplo os casos dos PAI de Agolada e Rodeiro, onde a achega da Xunta ronda os 100 euros mensuais por praza, unha cifra moi afastada das cantidades que reciben, por exemplo as escolas privadas da propia comarca, nas que

o financiamento pode alcanzar ata os 350 euros por praza ao mes por crianza.

“Entendemos que a atención educativa e o servizo de conciliación que os concellos

prestan ten a mesma importancia que a que se presta nas entidades privadas e que, para

mantela se precisa un financiamento que agora mesmo non chega ás arcas municipais”

sinala a deputada nacionalista Ariadna Fernández, que xa trasladou no 2025 á comisión

5º do Parlamento Galego "a falla de interese polo rural no caso da escolarización 0-3,

sendo moi crítica co modelo precarizador que o goberno impulsa no rural, tanto coas

casas niño, coma coa falla de financiamento nos puntos de atención á infancia". “Estamos

ante unha discriminación evidente cara aos pequenos concellos rurais, que teñen que

facer verdadeiros malabares para manter servizos básicos de conciliación, mentres a

Xunta presume de apoiar o rural”, engade Fernández que reclama a atención que se

merecen todas as familias, vivan onde vivan.

 PUBLICIDADE

Se queres obter máis información do evento preme na imaxe.

A formación destaca que, segundo os propios datos da Consellería, escolas infantís privadas das comarcas recibiron arredor de 150.000 euros no pasado curso para a prestación do servizo en centros con 30 prazas, mentres Agolada e Rodeiro superaron

con pouco os 20.000 euros para atender da orde de 20 crianzas. Para o BNG, estas cifras “amosan claramente cal é a aposta real do Goberno galego: priorizar o modelo da externalización e o financiamento de servizos privados antes que reforzar os servizos

públicos, que quedou claro cando renunciaron a 22 millóns de euros para a creación de

prazas públicas de escolas 0-3 o pasado ano ou cos datos que temos sobre o

financiamento dos PAI, onde se recibe 3 veces menos financiamento por praza por parte

da Xunta de Galiza que no caso dos centros privados”. Ademais, denuncian que esta

política “castiga especialmente aos concellos pequenos e ao rural, dificultando a fixación

de poboación e a conciliación das familias”.

 PUBLICIDADE

Preme para obter máis información.

Desde a organización nacionalista reclaman á Xunta de Galicia un financiamento xusto e

suficiente para garantir a gratuidade real da escolarización infantil de 0 a 3 anos, así como

a creación de novas prazas públicas. O BNG tamén lembra que os concellos xa soportan

unha forte presión económica pola asunción de competencias impropias, como o Servizo

de Axuda no Fogar (SAF), polo que consideran “inadmisible” que a Xunta continúe

descargando sobre as administracións locais o custo de servizos que son da súa

responsabilidade, máis aínda en concellos de menos de 5000 habitantes que xa sofren

unha presión financeira complexa. “Se a Xunta quere falar de apoio ao rural e de políticas

de conciliación, o primeiro que debe facer é cumprir co financiamento dos servizos

públicos e deixar de asfixiar economicamente aos concellos”, conclúe Fernández.