O BNG de Silleda solicítalle ao Concello a reposición urxente da varanda sobre o regato Cervañiña

Ecos da Comarca/Silleda

O BNG de Silleda vén de presentar un escrito ao Concello solicitando a reposición urxente da sección de varanda que falta na ponte sobre o regato Cervañiña, situada na pista que conecta A Bouza co Lugar de Abades.

“Nese punto, a caída ata o río pode ser duns 5 metros o que dá mostra do grave perigo para a seguridade das persoas que transitan pola zona”, sinala a voceira, Erea Rey, que

reclama ao goberno municipal unha solución urxente, ao tempo que pide que entre

tanto se sinalice a zona para evitar calquera accidente.

Esta demanda súmase ás peticións que o Bloque vén realizando para mellorar os

servizos básicos e as infraestruturas nas parroquias do rural silledense, como a limpeza

de camiños, o acondicionamento de accesos a vivendas e a mellora da rede de

abastecemento e saneamento.

Publicidade

Preme na imaxe se quere contactar connosco.

O BNG de Silleda continúa así trasladando ao goberno municipal todas aquelas

necesidades e demandas que recolle da veciñanza, mantendo o seu compromiso coa

mellora continua das condicións de vida no municipio.