O BNG de Silleda insta a que a limpeza de cunetas sexa a prioridade da maquinaria da mancomunidade

Ecos da Comarca/Silleda

O BNG de Silleda faise eco das demandas de veciñanza da contorna rural que solicitan

ao Concello que se inicie un plan para a limpeza en profundidade das cunetas nos viais

municipais. "Compre recordar que as cunetas das vías van acumulando terra e restos orgánicos co paso dos anos polo que sería importante realizar unha retirada destes restos con maquinaria axeitada. Iso permitiría que a auga da chuvia e dos temporais drenase cara o exterior das vías e melloraría a conservación das mesmas", considera o Bloque.

Nese sentido, desde o BNG de Silleda lembran que "non basta co desbroce da herba no

período estival (que agora se realizará dun xeito máis continuo, logo de que a formación

nacionalista incluíse esta demanda na negociación dos salarios do goberno)" senón que

engaden que “é preciso retirar a terra e os restos orgánicos acumulados en determinadas

seccións de viais municipais. Esta situación vese agravada no inverno, onde se pon de

manifesto a falta de mantemento dos camiños”.

Publicidade

Preme na imaxe para obter máis información do evento.

Os concelleiros nacionalistas poñen o foco nesta problemática porque “un bo

mantemento dos camiños non só mellora a seguridade vial senón que fai que estes non

teñan que ser arranxados cada dous por tres”.

Publicidade    

Preme na imaxe se queres contactar connosco.

Desta maneira, propoñen ao goberno que destinen, xunto cos traballadores que acaban

de incorporar, a maquinaria da Mancomunidade de Deza a estes fins, e poña prioridade

na limpeza de cunetas e mantemento da rede viaria municipal.