Ecos da Comarca/Silleda
O BNG de Silleda denuncia que as obras levadas a cabo para colocar varios redutores de velocidade na Rúa da Estación "non resolve os principais problemas que ten a rúa,
como son os numerosos baches, nos que se forman perigosas balsas de auga os días
de chuvia, a falta de luz en horas nocturnas, e incluso a sucidade, razón pola que
esiximos ao goberno municipal que leve a cabo o asfaltado integral desta Rúa da
Estación, desde a altura do colexio público ata a rotonda situada á altura de Neumáticos
Tato".
Publicidade
En todo caso, "desde o BNG valoramos positivamente os novos redutores porque vanna liña defendida pola nosa organización ao respecto de dar prioridade a realización de
obras que sirvan para atender as necesidades básicas e máis urxentes da veciñanza. Vemos que cando quere, o Concello consegue financiación para grandes obras, e iso
está ben, pero o goberno non pode deixar de atender estas cuestións básicas. Non se
precisan beirarrúas novas, en todos lados. Un simple asfaltado e máis iluminación poden
supoñer unha renovación total dunha vía de acceso como esta Rúa da Estación, moi
frecuentada por veciños que saen a pasear ou facer deporte” recalca a voceira local,
Erea Rey, ao tempo que reprocha ao goberno local que non esixise á Xunta un asfaltado
integral antes da cesión da vía en 2021, o que obriga agora ao Concello a asumir o custo
deste posible asfaltado.
Nese sentido, sinala que "queremos lembrar que o BNG leva moitos meses defendendo en Pleno que o Concello realice un plan de mellora urbana, consistente na mellora da iluminaciónnos pasos de peóns, ou a rebaixa da altura das beirarrúas nos cruzamentos para facilitarasí a mobilidade peonil".
Comments