O BNG de Silleda critica "a falta de dilixencia do goberno local no cobro dos recibos do SAF"

A formación nacionalista pide máis responsabilidade

Ecos da Comarca/Silleda

O BNG de Silleda lamenta que o goberno municipal "deixase durante tres meses sen cobrar os recibos do Servizo municipal de Axuda no Fogar (SAF), que finalmente se pasaron a cobro agora en xaneiro, correspondentes aos meses de outubro e novembro, quedando aínda pendente o de decembro".

Erea Rey, a voceira local do BNG.

 Publicidade/DOAZÓN PARA ECOS DA COMARCA

A formación nacionalista considera "inaceptable que unha administración pública non

cumpra as súas obrigas básicas e provoque situacións que poden afectar ás economías

familiares. Para moitas familias do noso municipio un gasto inesperado de 100 euros marca a diferenza entre chegar ben ou mal a fin de mes. Non está ben este abandono de

funcións por parte do Concello”, subliña a voceira local, Erea Rey.

 Publicidade

Preme na imaxe para obter máis información.

Desde o Bloque lembran que "esta falta de planificación súmase a outras deficiencias xa

denunciadas no SAF, como a ausencia de control político sobre a coordinación do servizo ou os incumprimentos en materia laboral que veñen sendo sinalados polas traballadoras".

Publicidade

Preme para contactar con nós e pregunta polas tarifas que son unha bicoca!

O BNG reclama que o goberno municipal actúe "con responsabilidade e garanta unha xestión ordenada e previsíbel, evitando que a súa desidia repercuta nas familias usuarias dun servizo esencial". “Non se trata só de cobrar, senón de facelo con rigor e pensando nas persoas”, conclúe a formación.