O BNG de Lalín presenta 11 propostas na mesa de seguimento do Servizo de Axuda no Fogar (SAF)

Ecos da Comarca/Lalín

O partido nacionalista de Lalín dá a coñecer as súas 11 propostas feitas na mesa de seguimento do Servizo de Axuda no Fogar (SAF).

Son as seguintes:

1. "Traballadoras con xornadas de menos de 25 horas, incluso de 20 e con xornada partida de mañá e tarde, solícitamos que se aumenten as xornadas destas traballadoras e que se fagan seguidas como di o convenio e que se completen xornadas que non superen o máximo de 2 horas ao mediodía".

2. "Fan longos percorridos e non se paga nen o primeiro da mañá nen o do mediodía nen o primeiro da tarde nen o último da tarde, e xusto eses domicilios son bastantes lonxe, tendo así que pagar do seu bolsillo ese quilometraxe. Os desprazamentos seguen a pagalos a 0,21, cando debería estar a 0,22. Solicitamos un punto de partida de referente dos deprazamentos ou unha zonificación".

Publicidade

Preme na imaxe para obter máis información!

3. "A bolsa de horas estase facendo anualmente cando no convenio pon claramente que é trimestral polo tanto solicitamos que se regularice esta situación".

4. "Non se aporta unha clara lectura das horas nin mensuais nin trimestrais que fan: solicitamos unha clara lectura das horas que se fan".

5. "Os horarios de atención aos usuarios son moi específicos xa que desde o concello se lle dá a elexir o horario sen ter en conta os horarios das auxiliares: solicitamos que o servizo se adecúe aos horarios libres das auxiliares para que poidan completarse xornadas e poder así atender a un maior número de usuarios".

Publicidade

Preme na imaxe para obter máis información.

6. "As horas de dependencia están tardando demasiado en concederse aos usuarios o que é un problema evidente para os mesmos e que inflúe ás auxiliares xa que nos casos en que os usuarios falecen ás auxiliares que lle falta ese servizo solicítaselle que cubran substitucións sen ter así un horario fixo, e facendo igualmente moitos quilómetros que en moitos casos non se pagan: solicitamos que se reduza o tempo de concesión do servizo aos usuarios".

7. "Solicitamos que as traballadoras, a través do comité de empresa, participen nos pregos da nova licitación para que non se volvan dar este tipo de situacións de incumprimento do convenio, así como a incorporación de melloras".

8. "As tarefas dos usuarios son moi extensas, sendo pouco explícitas e abusivas: solicitamos que se especifique nos PIA (programa individual de atención) dos usuarios que este servizo é de axuda a domicilio, onde se ten en conta atención ao usuario, a limpeza das súas zonas de uso e non se pode confundir con un servizo de limpeza xeral".

Publicidade

Preme na imaxe se quere contactar connosco.

9. "Incumprimento das medidas de prevención e axudas técnicas inexistentes sobrecargando ás auxiliares en moitos casos polo que solicitamos que se arranxe esta situación".

10. "Non existe unha supervisión real e presencial dos servizos que se prestan e das condicións en que se realizan: solicitamos que se faga un seguimento dos mesmos".

11. "Falta de EPIS xa que non se lles proporciona a roupa de abrigo e o calzado etc…apropiado para as súas tarefas".