O BNG de Dozón denuncia a "falsa seguridade" sobre a calidade da auga

Reclama controis sanitarios actualizados

Ecos da Comarca/Dozón

O Bloque Nacionalista Galego de Dozón quere trasladar á veciñanza unha análise crítica e rigorosa ante as recentes noticias publicadas nos medios de comunicación sobre a calidade da auga neste concello. "Aínda que certas informacións sitúan a Dozón nunha

situación favorable por baixos niveis de contaminantes, a realidade que agochan os datos oficiais é moito máis preocupante e fragmentada do que se quere facer crer. Unha calidade baseada en datos parciais e obsoletos Tras revisar os boletíns de autocontrol,

dende o BNG denunciamos que a suposta seguridade da nosa auga fundaméntase nunha mostraxe extremadamente limitada que non reflicte a realidade de todo o municipio".

Sinala o Bloque:

"• Os valores que se difunden como positivos corresponden unicamente a puntos de

mostraxe moi concretos dentro dunha única zona de abastecemento".

• "Para outras zonas de distribución, o último boletín dispoñible no sistema de información de consumo data de hai varios anos, concretamente de xuño de 2021".

• "Isto supón que para gran parte do Castro, e para a totalidade do resto de parroquias do

concello, non existen datos públicos actualizados que garantan a calidade sanitaria da auga que consomen as nosas familias".

A necesidade dun control normativo e frecuente

Dende o BNG instan ás administracións competentes, incluíndo o Ministerio de Sanidade e a autoridade sanitaria autonómica, a que supervisen e garantan que os controis de auga se realicen coa frecuencia e o rigor que esixe a normativa vixente. "Non é de recibo que a veciñanza teña que confiar na potabilidade do seu abastecemento baseándose en análises de hai lustros. Esiximos que o Concello adecúe de xeito inmediato a periodicidade das súas analíticas para cumprir cos estándares normativos de saúde

pública".

 PUBLICIDADE

Se queres obter máis información do evento preme na imaxe.

"A parálise do Goberno Municipal do PP"

"Esta situación de "falsa seguridade" é consecuencia directa do abandono do goberno local. Tal como denunciamos nas nosas iniciativas políticas, o grao de cumprimento das competencias municipais en materia de augas é, cando menos, insuficiente. Ao longo do último ano, o BNG de Dozón presentou dúas mocións fundamentais que o Partido Popular mantén gardadas nun caixón".

• Moción de Marzo de 2025: "Esiximos a planificación de obras integrais de saneamento en

todos os lugares de Dozón e o inicio do debate para unha Ordenanza Municipal de

Tratamento e Saneamento de Augas"

• Moción de Xuño de 2025: 2Reclamamos con urxencia a identificación das masas de auga e a implantación dun servizo municipal de baleirado de fosas sépticas para aquelas vivendas que non contan con rede de sumidoiros".

 PUBLICIDADE

Preme para obter máis información.

"A nosa esixencia: Un Ciclo Hídrico con garantías" 

Para o BNG, a calidade da auga non pode ser un titular de prensa estacional, senón unha garantía de saúde pública os 365 días do ano. Por iso, instan ao goberno de Dozón a:

• Executar un Plan de actuacións plurianual con investimentos reais e prazos de execución definidos.

• Realizar análises completos e periódicos de todas as fontes e traídas de auga do concello, publicando os resultados para que a cidadanía saiba que bebe.

• Deseñar sistemas de depuración axustados para cada núcleo de poboación, respectando o medio receptor e as necesidades do noso rural.

"Non podemos permitir que se use o nome de Dozón para lavar a cara dunha xestión inexistente. A veciñanza merece transparencia, seguridade normativa e infraestruturas do século XXI", conclúe o Bloque.