"O basket para min foi unha escola de vida, marchei xoven de casa e o baloncesto ensinoume a vivir"
"Os obxectivos desta escola de baloncesto en Touro son os de promover a práctica deportiva e os seus valores, que están plenamente representados no deporte da canastra"
ENTREVISTA A ANDRÉS CADAHÍA MÉNDEZ, ADESTRADOR DE BALONCESTO QUE ADEMAIS FOI XOGADOR PROFESIONAL E QUE IMPARTIRÁ CLASES DESTE DEPORTE EN TOURO
Laura Moure/Touro
Andrés Cadahía Méndez leva 25 anos dedicado ao baloncesto como adestrador, despois dunha etapa como xogador profesional. Agora afronta un novo reto coa mirada posta na comarca: recuperar a tradición do baloncesto e achegar este deporte ás novas xeracións a través das actividades extraescolares que promove o Concello de Touro. Falamos con el sobre a súa traxectoria, este novo proxecto e o futuro do baloncesto na comarca
1. Andrés, que o levou a interesarse por recuperar o baloncesto en Touro?
O que me leva a interesarme polo baloncesto en Touro é que son novo veciño do lugar.
2. Como nace a idea de poñer en marcha esta escola de baloncesto?
A idea da posta en marcha da escola de baloncesto parte dunha conversa entre a miña moza e o concelleiro Darío Rey.
3. Que lle trasladou o Concello de Touro sobre o proxecto e que interese percibe por parte da institución?
O concello quere seguir achegando o deporte a xente, o seu interese é moi grande, fan un
gran esforzo pola actividade.
4. Por que considera que este é un bo momento para recuperar o baloncesto na comarca?
Calquera momento é bo para facer deporte, fai bastante tempo que na comarca non hai
baloncesto.
5. Que obxectivos se marcan con esta escola de baloncesto?
Os obxectivos desta escola son os de promover a práctica deportiva e os seus valores, que están plenamente representados no deporte da canastra.
PUBLICIDADE
6. A quen estaría dirixida? Que idades poderían participar?
A escola está dirixida a tódolos nenos e nenas de primaria e secundaria. De 7 a 16 anos.
7. Están pensando nunha escola exclusivamente para nenos e nenas de Touro ou tamén aberta a outros concellos das comarcas?
E unha escola aberta a outros concellos da comarca.
8. Cando serían as clases e ata cando se poden anotar e onde?
Os entrenos serán o luns e o xoves. Toda a información esta disponible na páxina web do
concello de Touro (https://www.concellodetouro.com/index.php/es/novedades/75-noticias/noticias-cultura/3329-actividades-extraescolares-e-deportivas-2025-2026-do-concello-de-touro-2)
9. Gustaríalles que, co tempo, a escola puidese dar lugar a equipos federados e competición oficial?
Sería un soño que co tempo poidese haber equipos federados e competicións.
10. Que pode achegar unha escola de baloncesto a un concello como Touro?
A escola de baloncesto incrementa a oferta deportiva do concello, fai cos nenos e nenas socializen e compartan, ensina a traballar en grupo.
11. Cre que no rural existen nenos e nenas con interese polo baloncesto pero que non teñen preto unha oferta deportiva deste tipo?
Coido que o baloncesto gústalle a tódos, no rural e na cidade, so hai que facelo visible.
PUBLICIDADE
12. Vostede foi xogador profesional e leva 25 anos como adestrador. Que lle ensinou o baloncesto ao longo de todos estes anos?
O basket para min foi unha escola de vida, marchei xoven de casa e o baloncesto ensinoume a vivir.
13. Que lle gustaría transmitir agora aos nenos e nenas que se acheguen por primeira vez a este deporte?
Gustaríame decirlle a os nenos e nenas que van a divertirse aprendendo un montón de
cousas, e van a pasar un rato moi agradable facendo novas amizades.
Comentarios