top of page

O Atletismo Deza celebra hoxe 25 anos de historia e familia cunha gran gala no Auditorio de Lalín

hace 8 minutos
2 min de lectura

O acto será no Salón Teatro, onde reunirá deportistas, familias, colaboradores e amigos do club nunha xornada de recoñecementos, actuacións, sorteos e sorpresas


Laura Moure/Lalín

O Club Escola de Atletismo Deza celebrará hoxe, venres 20 de novembro, a gala

conmemorativa do seu 25 aniversario, unha cita moi especial coa que o club quere

celebrar un cuarto de século de historia, deporte e, sobre todo, familia. O evento dará

comezo ás 19:30 horas no Salón Teatro do Auditorio de Lalín e converterase nunha

xornada de celebración e recoñecemento a todas aquelas persoas e entidades que

contribuíron a construír a traxectoria do club ao longo destes 25 anos.

Porque se algo define o Atletismo Deza é o sentimento de pertenza e de familia que se

foi creando arredor da entidade. Un club no que o atletismo é o punto de encontro,

pero no que tamén teñen un papel fundamental a amizade, a convivencia, o

compañeirismo e o apoio mutuo. Unha familia que medrou co paso dos anos e que

reúne diferentes xeracións de deportistas, familias, técnicos, colaboradores e

amizades.


Durante a gala entregaranse recoñecementos ás mellores marcas masculinas e femininas tanto en pista cuberta como ao aire libre, así como a todos os atletas que conseguiron chegar a campionatos de España, poñendo en valor o esforzo, a constancia e os resultados deportivos acadados.

 PUBLICIDADE

A xornada contará tamén con dous recoñecementos especiais a persoas que destacaron polo seu apoio ao deporte. Entre eles lembrarán a Juan Pegatinas, unha figura moi vinculada ás carreiras populares da zona polo seu compromiso e colaboración, especialmente pola súa función abrindo as probas coa súa moto e acompañando os corredores.


O club quere ter tamén un agradecemento especial cos medios de comunicación locais, polo seu traballo de difusión e por contribuír a dar visibilidade á actividade deportiva do Atletismo Deza, así como cos patrocinadores, cuxo apoio resulta fundamental para poder desenvolver e manter todas as actividades que realiza a entidade.


A celebración contará ademais con diferentes propostas para facer da tarde unha auténtica festa. Haberá tres sorteos coa colaboración de Pírate de Viaje, Ana Agra Fotografía e A Principal, así como dúas actuacións a cargo de +QDanza. Todo iso

acompañado doutras sorpresas que se irán descubrindo ao longo da xornada.


Como broche final, os asistentes poderán compartir uns pinchos, nun momento

pensado para seguir celebrando, conversar e desfrutar xuntos deste aniversario nun

ambiente de convivencia e compañeirismo.

 PUBLICIDADE

Preme na imaxe para contactar connosco.
Preme na imaxe para contactar connosco.

Desde o Atletismo Deza queren agradecer a todas as persoas, empresas e entidades que están facendo posible esta celebración, así como a todas as persoas que se achegarán para compartir unha data tan significativa para o club. A resposta está a ser moi positiva e a organización rolda xa os 300 inscritos, unha cifra que agarda superar de aquí á celebración da gala.


Vinte e cinco anos despois do seu nacemento, o Atletismo Deza quere celebrar moito

máis ca unha traxectoria deportiva. Quere celebrar as persoas, as amizades, as experiencias compartidas e todos os momentos que fixeron posible chegar ata aquí.

"Porque, por riba de marcas, medallas e competicións, o Atletismo Deza é unha familia.

E hoxe será o momento de celebralo todos xuntos", recalca o club.

Comentarios


IRS.gif
Copia de ¡TU Anuncio!.gif
32941502-7315-4b45-bdb2-1e2337015ba2.jfif

© 2026 por Ecos da Comarca.

​

¡Grazas por contactar connosco!

  • Facebook
  • Instagram
  • TikTok
  • X
  • Youtube
bottom of page