Monterroso promocionou a Feira de Santos na Semana Verde de Silleda

Ecos da Comarca/Monterroso

O Concello de Monterroso promocionou a Feira de Santos na Semana Verde de Silleda. O alcalde de Monterroso, Eloy Pérez, e a concelleira Jessica Rodríguez visitaron o stand que o Goberno local instalou na Semana Verde de Galicia para promocionar a Feira de Santos.

Esta é unha das accións que o Goberno local está a levar a cabo de cara a acadar que a cita, que se celebra cada un de novembro, sexa declarada de Interese Turístico Nacional.

Publicidade

Preme na imaxe para obter máis información deste evento.

O stand foi deseñado e elaborado polo Taller da Ulloa a base de material de reciclaxe. O Goberno local agradece o traballo, que reclamou a atención dos numerosos visitantes que estes días se achegan ata Silleda.

Publicidade

Preme na imaxe se quere contactar connosco.