Monterroso, Palas, Lalín, O Pino, Melide e Cruces reciben axudas para bibliotecas e centros culturais

Entre as accións que se sufragan inclúense os traballos de mellora de accesibilidade e condicións dos locais, a inauguración de novos centros e a adquisición de equipamento

Laura Moure/Silleda

A Xunta de Galicia colaborará con 39 concellos para impulsar a modernización e renovación de equipamentos culturais como centros socioculturais, auditorios ou bibliotecas. Así se recolle na resolución de axudas publicada no Diario Oficial de Galicia desta liña de subvencións dotada con 500.000€. Das comarcas de Arzúa, Deza, Terra de Melide e A Ulloa son beneficiarios os Concellos de Monterroso, Palas de Rei, Lalín, O Pino, Melide e Vila de Cruces.

Deste xeito, a Consellería de Cultura, Lingua e Xuventude contribúe ao desenvolvemento e incremento da calidade da oferta cultural en concellos das catro provincias permitiron melloras en centros bibliotecarios, locais socioculturais, casas da cultura, salóns de actos e auditorios. Do cómputo dos proxectos cos que se colaborará, 19 sitúanse na provincia da Coruña, 6 na de Lugo, 7 na de Ourense e outros 7 en Pontevedra.

Mediante esta convocatoria, o Goberno galego axudará a sufragar gastos relativos á mellora da accesibilidade, mediante a instalación de plataformas elevadoras, e das condicións dos locais a través da reforma dos servizos enerxéticos ou de calefacción. Así mesmo, contribuirase á posta en funcionamento de novos centros e a mellora de equipamento das sales con accións como a instalación de butacas ou a compra de equipamento escénico, audiovisual, de iluminación e de son.

 PUBLICIDADE

Preme na imaxe para obter máis información deste evento.

Das comarcas de Arzúa, Deza, Terra de Melide e A Ulloa son beneficiarios:

• Concello de Monterroso recibe 3.900 euros para a mellora da accesibilidade e equipamento da biblioteca pública municipal (BPM).

• Concello de Palas de Rei recibe 12.900 euros para equipamento para a Axencia de Lectura Municipal.

• Concello de Lalín recibe 11.100 euros para a creación e posta en funcionamento dunha aula de estudo 24 horas como anexo á biblioteca municipal.

• Concello do Pino recibe 11.100 euros para a mellora da biblioteca pública municipal.

• Concello de Melide recibe 8.600 euros para a subministración de equipamento escénico para o Centro Sociocultural Mingos de Pita.

• Concello de Vila de Cruces recibe 14.700 euros para a accesibilidade Local Social de Brandomés.

 PUBLICIDADE

Preme na imaxe para obter máis información do evento.

Por outra banda, as entidades das comarcas que non recibiron ditas axudas por non acadar a puntuación mínima esixida son:

• Concello de Boimorto para melloras da accesibilidade na casa da cultura

• Concello de Silleda para mellora da instalación e equipamento da Biblioteca Daniel Castelao

• Concello de Rodeiro para equipamento escénico no Centro Cultural Manuel Lamazares

• Concello de Agolada para equipamento audiovisual integral para o Auditorio Municipal Manuel Costa

 PUBLICIDADE

Preme na imaxe se queres contactar connosco.

O Executivo autonómico responde así ao seu compromiso coa modernización e adecuacións deste tipo de infraestruturas en liña cos obxectivos do Plan de modernización das infraestruturas culturais públicas de Galicia ou en dos obxectivos da Lei de cultura inclusiva e accesible de Galicia para permitir o acceso á cultura sexan cales sexan as circunstancias sociais, económicas ou demográficas.