Medio Rural salienta en Lalín a importancia dos castiñeiros na conservación da riqueza forestal

A directora xeral de Planificación e Ordenación Forestal, Luisa Piñeiro, asistiu a unha xornada técnica sobre o castiñeiro organizada pola Asociación Galega das Castañas e dos Soutos en Lalín

Ecos da Comarca/Lalín

A directora xeral de Planificación e Ordenación Forestal, Luisa Piñeiro, asistiu onte a unha xornada técnica sobre o castiñeiro organizada pola Asociación Galega das Castañas e dos Soutos en Lalín. Nela, destacou a importancia dos soutos de castiñeiros na conservación da riqueza forestal de Galicia.

 PUBLICIDADE

Se queres obter máis información do evento preme na imaxe.

Neste sentido, desde a Consellería do Medio Rural apóstase por este tipo de plantacións e por iso estase a desenvolver o Programa estratéxico do castiñeiro e da produción de castaña, enmarcado no Plan Forestal de Galicia 2021-2040. A través deste programa estase a traballar con instrumentos como as agrupacións forestais de xestión conxunta para impulsar os soutos, pero tamén se conta con axudas como as destinadas para a plantación de castiñeiros para froito e a mellora de soutos tradicionais.

A maiores, este ano convocáronse cun orzamento de 15 millóns de euros para o período 2026-27 as axudas de silvicultura, que dispoñen dunha liña específica dirixida á rehabilitación de soutos tradicionais.