Medio Rural convoca achegas para o fomento das razas autóctonas dotadas con 270.000 euros
- ecosdacomarca
- hace 7 minutos
- 2 Min. de lectura
As persoas interesadas en solicitar estas achegas terán un prazo dun mes para facelo, a partir do día 5 de xaneiro
Ecos da Comarca/Xeral
A Consellería do Medio Rural publicou onte, 2 de xaneiro, no Diario Oficial de Galicia (DOG) publica hoxe a convocatoria das axudas para o fomento das razas autóctonas, que contan cun orzamento de 270.000 euros. Estas achegas van dirixidas ás asociacións de criadores das razas gandeiras autóctonas galegas e que desenvolven actuacións destinadas ao seu fomento.
O obxectivo desta partida é aumentar a rendibilidade das explotacións galegas, a súa viabilidade e o nivel de vida dos gandeiros. Do mesmo xeito, con elas procúrase modernizar este eido nas vertentes xenéticas, sanitarias e de produción animal ao tempo que se mellora a eficiencia dos sistemas produtivos e da calidade das producións. Por último, a través deste investimento contribúese tamén a optimizar a utilización das oportunidades e dos recursos dispoñibles.
Poden beneficiarse destas axudas as organizacións ou asociacións de criadores de razas autóctonas galegas que estean oficialmente recoñecidas para a xestión do Libro ou Libros Xenealóxicos do marco do Programa de Cría.
Publicidade
Neste sentido, serán subvencionables os gastos derivados da creación o mantemento destes libros xenealóxicos, así como aquelas actividades que deriven do desenvolvemento do programa de cría oficialmente recoñecido para cada raza, no que se recollerán as actividades destinadas á conservación in situ da mesma.
Publicidade
A través desta partida financiarase tamén o mantemento dos bancos de xermoplasma en centros autorizados oficialmente e as probas destinadas a determinar a calidade xenética ou o rendemento do gando. As persoas interesadas en solicitar estas achegas terán un prazo dun mes a partir de hoxe, 3 de xaneiro.
Ligazón á orde no DOG:
Comentarios