Mañá, martes 18, traballadores de Correos concentraranse en Rodeiro debido á falta de persoal

Ecos da Comarca/Rodeiro

Mañá, martes 18 de novembro, ás 17:30 horas no cruce da Avda. Gumersindo Areán coa Avda. Lalín-Monforte, os traballadores de Correos de Rodeiro xunto co resto de compañeiros da Unidade de Reparto de Lalín,(Lalín, Dozón e Agolada), van concentrarse para denunciar a falta de persoal que veñen sufrindo dende hai máis de 2 anos e tal e como informa o alcalde de Camba, José Luis Camiñas.

Publicidade

Preme para contactar con nós e pregunta polas tarifas que son unha bicoca!

Correos nos últimos tempos non está a cubrir as prazas vacantes que hai na unidade, nin as ausencias temporais, (baixas médicas, permisos, licenzas ou vacacións), o que supón unha sobrecarga de traballo para o resto de compañeiros, que teñen que asumir o reparto das zonas que están sen carteiro.

Publicidade

Preme na imaxe se quere contactar connosco.

"No Concello de Rodeiro, parroquias como Portela, Vilela, San Salvador, O Couto, Guillar, San Cristobo, Santa Mariña ou Negrelos, por uns motivos ou outros non contan co seu carteiro titular, tendo que asumir esas tarefas de reparto, (a maiores das propias), outros compañeiros da unidade, o que supón unha merma na calidade do servizo, sendo practicamente imposible na maioría dos días chegar a tódolos sitios. Eu participarei con eles para defender os mellores servizos públicos", salienta o mandatario rodeirense.