Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

Máis dun cento de vehículos participou este sábado en Deza na marcha en defensa dos transportistas

Os gandeiros sumáronse cos seus tractores e percorreron as distintas rúas de Lalín e despois desprazáronse ata Silleda


Laura Moure/IsmaelRS/Deza

Os transportistas continúan loitando polos seus dereitos tras arrancar o pasado luns, 14 de marzo, un paro indefinido convocado pola Plataforma para la Defensa del Sector de Transporte de Mercancías por Carretera Nacional e Internacional. Este sábado ECOS DA COMARCA desprazouse ata a comarca de Deza onde tivo lugar unha marcha lenta. Lembrar que o pasado xoves estivemos con varios afectados no polígono da Madanela, en Melide, e demandaban o apoio de toda a sociedade, pero especialmente a dos gandeiros. E dito e feito: porque os gandeiros tamén saíron á rúa en Deza. Os camións estiveron acompañados de tractores e de turismos e recorreron as distintas rúas do casco urbano pasados uns minutos das once da mañá.

Autor: Ecos da Comarca.

Os afectados tamén sentiron o afecto de veciños e traballadores dos negocios que diante dos seus locais mostraron o seu respaldo.Tampouco faltaron os aplausos e incluso, na rúa Areal saíron cunha pancarta de apoio. Despois de recorrer as distintas rúas de Lalín decidiron emprender a marcha ata Silleda.

Á altura de Ponte Taboada todos os vehículos detivéronse, organizados polos axentes da Garda Civil de Tráfico, para atender a ECOS DA COMARCA. E alí, como se pode ver no vídeo, falamos con Daniel Taboada Vilariño, xerente de Excavaciones Daniel, de Goiás (Lalín) que foi unha das principais persoas que mobilizou a marcha deste sábado. De feito, Taboada coa súa pá era quen marcaba o percorrido a seguir diante da comitiva.

O que nos contaron os transportistas en Melide no enlace:

838 visualizaciones0 comentarios
IRS.jpg

ESPAZO DISPOÑIBLE PARA ANUNCIARSE