Lalín rexistrou hoxe dous accidentes de tráfico

Ecos da Comarca/Lalín

Este martes producíronse dous accidentes de tráfico en Lalín en algo máis dunha hora de diferencia. Víronse afectados en total catro vehículos e saldouse con feridos leves.

Foto de arquivo.

O primeiro deles sucedeu ás 12 horas. Tal e como informa o 112 Galicia tratouse dunha colisión entre dous coches na rúa Nuno Eanes de Cercio á altura do número 24. A raíz do sinistro, unha persoa queixábase de dor nun pé. Ata o lugar, desprazáronse Urxencias Sanitarias e a Policía Local de Lalín.

Publicidade

Preme na imaxe para obter máis información do evento.

Ás 13:20 horas o 112 Galicia foi avisado por outro accidente en Lalín, neste caso, tal e como indica o 112 ocorreu na N-525 á altura do quilómetro 297 na parroquia de Prado.

Publicidade

Preme na imaxe se queres contactar connosco.

"Foi un accidente entre un camión que levaba paneis de madeira e un coche. Dúas persoas que viaxaban no coche sairon polo seu propio pé, pero precisaron asistencia sanitaria", apunta o 112. Ata o lugar desprazáronse Urxencias Sanitarias e a Garda Civil de Tráfico.