top of page

Juan Diego Lindez Berdún, novo presidente da Agrupación de Voluntarios de Protección Civil de Cruces

Laura Moure/Vila de Cruces

Nun proceso democrático que tivo lugar o pasado sábado elixiuse ao novo presidente da Agrupación de Voluntarios de Protección Civil de Vila de Cruces. Dous candidatos, Juan

Diego Lindez Berdún e Daniel Sobrado García, presentáronse ante un grupo de 11 voluntarios con dereito a voto, dos cales saíu electo Lindez.

"O proceso de elección transcorreu con transparencia e responsabilidade, reflectindo o compromiso da comunidade de Vila de Cruces coa Protección Civil e a seguridade dos seus habitantes", resalta o Concello, quen sinala que dos 11 voluntarios con dereito a voto, un decidiu non emitir o seu voto, mentres que os restantes 10 expresaron a súa elección da seguinte maneira:

  • 5 votos foron para Juan Diego Lindez Berdún.

  • 4 votos foron para Daniel Sobrado García.

  • 1 voto en branco.

Publicidade

Tras esta elección, Juan Diego Lindez Berdún foi seleccionado como o novo presidente da Agrupación de Voluntarios de Protección Civil de Vila de Cruces. O alcalde, Luis Taboada, estendeu unha cordial benvida a Juan Diego Lindez e desexoulle o mellor nesta nova etapa ao fronte da agrupación. Taboada expresou a súa confianza en que baixo o liderado de Lindez, a agrupación continuará brindando servizos de Protección Civil de alta calidade á comunidade de Vila de Cruces.


Publicidade

O novo presidente agradeceu a confianza depositada nel por parte dos seus compañeiros voluntarios e comprometeuse a traballar incansablemente para fortalecer e mellorar a labor da Agrupación de Voluntarios de Protección Civil, garantindo a seguridade e o benestar de

todos os cidadáns de Vila de Cruces. "Esta elección marca un fito na historia da agrupación, e esperase que baixo o liderado de Juan Diego Lindez, a organización continúe desempeñando un papel fundamental na protección e asistencia da comunidade en situacións de emerxencia", sinala o goberno local.

0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page