JRT Motorsport buscará no Rally Comarca do Carballiño sentenciar o Campionato Galego de Rallys

Dani Berdomás e Brais Mirón bastaralles ocupar a segunda posición do podio para ser os próximos campións galegos de rallis

Ecos da Comarca/Deza

Onte e hoxe celébrase a quinta edición do Rally Comarca do Carballiño, unha proba que será a antepenúltima cita do calendario do Campionato Galego de Rallys 2026 e que contará con 140 participantes.

 PUBLICIDADE

Preme na imaxe para obter máis información do evento.

Entre os principais protagonistas estarán os actuais líderes do campionato, Dani Berdomás e Brais Mirón, aos mandos dun Citroën C3 Rally2. Os representantes de JRT Motorsport teñen nas súas mans unha importante oportunidade para pechar o título galego, xa que lles chega con rematar no segundo posto do podio para proclamarse campións.

Na proba ourensá tamén estará presente outra parella de JRT Motorsport, a formada polos dezás Javier Ramos e Alex Moure, que competirán cun Hyundai i20 Rally2.

Ademais, o equipo contará coa participación de Manuel Ángel Fernández e Francisco García, que disputarán o rally cun Skoda Fabia R5. No caso do piloto lalinense, a cita terá un carácter especial, xa que será a súa primeira experiencia aos mandos dun vehículo 4x4 de última xeración. A participación servirá como unha proba de test para continuar coa súa adaptación a este tipo de monturas.

 PUBLICIDADE

Preme na imaxe para contactar connosco.

Así, o Rally Comarca do Carballiño preséntase como unha cita decisiva no tramo final do Campionato Galego de Rallys, con 140 equipos preparados para afrontar unha das últimas probas da tempada.