Iago Pazos acada a segunda posición na Liga Nacional de Clubs de Pamplona
Germán Cela proclamouse campión e Arturo Couso subcampión no Campionato Provincial Sub14 e combinadas Sub12 en lanzamento de xavelina
Ecos da Comarca/Deza
O Club Atletismo Deza participou este domingo no Campionato Provincial Sub14 e combinadas Sub12. Asistiu cun total de 15 atletas e logrou dúas medallas en lanzamento de xavelina: Germán Cela proclamouse campión e Arturo Couso subcampión. Por outra banda, Iago Pazos, presidente do club, acadou a segunda posición na Liga Nacional
de Clubs celebrada en Pamplona, co seu club Narón Atletismo. Logrou unha gran marca
persoal en lanzamento de xavelina: 55,88 metros.
Prazas libres para o Campus
O Campus de Verán do Club Atletismo Deza aínda dispón dalgunhas prazas libres para as dúas últimas semanas, do 18 ao 22 de xullo e do 26 ao 29. "Esta edición está a ser un éxito de demanda, pero aínda temos algunhas prazas dispoñibles para eses dous períodos. Lembramos que as persoas interesadas poden solicitar información a través das redes sociais do Club, do correo electrónico atletismo.deza@gmail.com ou do adestrador e encargado do Campus, Nacho Castro (623 189 677)", indica o clube.
Haberá actividades vinculadas as diferentes disciplinas de atletismo, pero tamén xogos,
actividades en inglés, piscina, manualidades, concursos... O Campus dará comezo a semana do 27 de xuño e desenvolverase en diferentes espazos do municipio lalinense.
Comentarios