Familias do CEIP Mestre Pastor Barral continúan en loita e mobilízanse polas rúas de Melide
Ecos da Comarca/Melide
As familias do CEIP Mestre Pastor Barral de Melide continúan en loita para conseguir que se cubra a praza do docente de Francés. Dende o inicio do curso escolar, o pasado 9 de setembro, concéntranse todos os días lectivos diante do centro educativo a primeira hora da mañá e ningún alumno acudiu ás clases. Pero onte sábado, a ANPA Camiño Real deu un paso máis alá e convocou unha mobilización polas rúas do casco urbano.
Baixo o lema "Neste cole faltan mans" reclaman á Consellería de Educación que cubra a praza de Francés que, segundo familias e profesorado, lle corresponde ao centro por catálogo.
PUBLICIDADE
Educación mantén a decisión de non cubrir a vacante ao considerar que o centro non precisa este docente por contar con dous profesores de Inglés. Así llo trasladou telefonicamente o xefe territorial de Educación, Santiago Freire, á ANPA, despois da reunión mantida coa dirección do centro. Ademais, sinalou que as necesidades do colexio serán valoradas na comisión extraordinaria que a Consellería celebrará en outubro.
PUBLICIDADE
Cómpre sinalar que as familias aproveitaron onte a presentación de Asier Polo como novo candidato do Partido Popular á Alcaldía de Melide para facerse escoitar ao paso dos conselleiros Ánxeles Vázquez e Diego Calvo, á súa chegada ao acto na localidade melidense.
NOTICIAS RELACIONADAS:
A ANPA e os pais do CEIP Mestre Pastor Barral de Melide concéntranse mañá ante a falta de docentes: https://www.ecosdacomarca.com/post/o-ceip-mestre-pastor-barral-de-melide-convoca-para-o-9-unha-xornada-de-protesta-pola-falta-de-profes
Vídeo do primeiro día da mobilización: https://www.facebook.com/reel/1632942528312732
Tres días de aulas baleiras no Mestre Pastor Barral de Melide para esixir un docente máis:https://www.ecosdacomarca.com/post/tres-d%C3%ADas-de-aulas-baleiras-no-mestre-pastor-barral-de-melide-para-esixir-un-docente-m%C3%A1is
O CEIP Mestre Pastor Barral manten as mobilizacións á espera dunha resposta "convincente" da Xunta: https://www.ecosdacomarca.com/post/o-ceip-mestre-pastor-barral-manten-as-mobilizaci%C3%B3ns-%C3%A1-espera-dunha-resposta-convincente-da-xunta
Comentarios