Falece un mozo de Silleda atropelado polo seu propio coche
O suceso tivo lugar esta mañá en Ames e todo apunta a que lle fallou o freo de man do seu vehículo tras estacionalo
Ecos da Comarca/Silleda
Unha persoa perdeu a vida despois de sufrir un atropelo na rúa Hedras, no concello coruñés de Ames. O 112 Galicia tivo coñecemento dos feitos a través de Urxencias Sanitarias de Galicia-061, pasados uns minutos das oito e media desta mañá.
Nada máis recibir a alerta do accidente, os xestores do CIAE 112 Galicia pasaron o aviso aos Bombeiros de Boiro e de Santiago de Compostela, á Policía Local e ao GES de Brión. Ademais, ata o lugar acudiron tamén os membros da Agrupación de Voluntarios de Protección Civil de Ames.
Unha vez no lugar do accidente, os servizos sanitarios desprazados tan só puideron confirmar o falecemento da persoa atropelada. Ao longo da mañá conoceuse que a vítima é veciña das comarcas. Ten 23 anos e é da localidade silledense de A Bandeira. Segundo as primeiras hipóteses falloulle o freo de man tras aparcar o vehículo nunha pendente, e tras querer paralo, quedou atrapado entre o seu vehículo e o que estaba detrás.
Comentarios